II. Metamorphoses Maleficarum

from by Carpe Noctem

/

lyrics

ii.i. Þögul för
vegurinn þakinn þyrnum
Þrír varðmenn
blóðþyrstir, blindir

ii. Hljóður læðist hjá
þagmælskan þrúgandi
gulls ígildi

iii. Skerandi ljós
blindar mig
læstar dyr
standa mér opnar

iv. Leiðin handan
liggur djúpt
í frjálsu falli
ég glatast

v. Hugdjarft flón
sleppir hiklaust taki
ráfandi, villtur
að útgönguleið

vi. Vitund mín klofnar
dauðinn fölnar
sandur stundaglassins
seitlar úr höfði mér

vii. Auga mitt sokkið
hálfur í þessum heimi
Líflaus tóft fær séð
sem mönnum er hulið

viii. Aftaka dyggðar
réttlæti fullnægt
Flugnasuð,
vein manna

ix. Myrkur geislabaugur
krýnir höfuð mitt
Augu þín tendruð
dómsdagsbálið

x. Fjarri harmi
ásýnd þín yljar mér
leggst upp að barmi
djúpt í faðmi þér

xi. Blóðug mein
af heljarskörum hylltur
Ástríðukvein
Trylltur

xii. Og ég herði að kverkum þér
koss okkar mettaður dreyra
Og þú herðir að kverkum mér
hvíslar mér hröfnum í eyra



xiii. Átthyrnda sól!
Kallaðu nafn mitt!
Morgunstjarnan hungrar

xiv. Níu dagar
og níu nætur
blóð kallar
á blóð

xv. Gegn níu hlið hrjáður,
hef ég gengið dyggur
sem völvuþráður
í nálarauga liggur

xvi. Frá skuggaós
streymir allur minn styrkur
Það skærasta ljós
skapar dýpsta myrkur

credits

from In Terra Profugus, released September 16, 2013

tags

license

all rights reserved

about

Carpe Noctem Reykjavík, Iceland

contact / help

Contact Carpe Noctem

Streaming and
Download help